Стресснээс хэрхэн ангижрах талаар эрдэмтдийн зөвлөсөн дараах аргуудыг танд зөвлөж байна.

Зөвлөмж 1. Эсэргүйцэл үзүүлэхээсээ өмнө үйлдэл хийгээрэй

Бид нөхцөл байдал хяналтаас гарчихаар стрессдэж эхэлдэг. Энэ нь стрессийн дааврыг идэвхижүүлж, удаан үргэлжилвэл бидний итгэл, анхаарал төвлөрөл, сайн сайхныг байдлыг эвддэг.

Та өөрийнхөө хянаж чадах нөхцөл байдлууд болон хянаж чадахгүй нөхцөл байдлуудаа тодорхойлоорой.

Ерөнхийдөө та өөрийнхөө үйл хөдлөл, хариу үйлдлүүдийг хянаж байдаг боловч макро хүчин зүйлс, хэн нэгний хандлагыг хянаж чадахгүй. Өөрийнхөө 50 хувьд гэм зэмгүй ханд. Тэгээд амрахыг хичээгээрэй.

Зөвлөмж 2. Гүнзгий амьсгаа аваарай

Танд цөхөрсөн мэдрэмж төрөх юм уу түгшүүртэй уулзалтаас гараад тархиа сэргээх шаардлагатай байвал хэдхэн минут гүнзгий амьсгаа авах нь тэнцвэрт байдлыг тань эргүүлэн авчирна. 5 секунд амьсгаа аваад, түгжээд, хамраараа мөн 5 секундэд гаргаарай.

Энэ нь тайвшрах мэдрэмжийг өгч, 3-хан минутад 90 минутын йогийн дасгал хийж, ширээний ард цөөн цаг суусан мэт мэдрэмжийг төрүүлнэ.

Зөвлөмж 3. Саад бологч зүйлсийг арилгаарай

Бидний олонх маань бүтэн өдрийн турш бөмбөгдүүлчихдэг. Өнөөгийн ажиллагсадыг өмнөх үеэс илүү сатааруулдаг зүйлс бол цахим шуудан, утасны дуудлага, яаралтай зурвас, гэнэтийн, яаралтай товлосон цаг хугацаа. Та саад бологч зүйлсийг хянаж чадахгүй байж болох ч хариу үйлдлээ хянах боломжтой.

Саадыг хүлээн зөвшөөрөөд, арилгаад, ач холбогдолыг нь шинжлээд төлөвлөгөө гаргаарай. Саад бологч олон хүчин зүйлс дахин давтагддаг бөгөөд урьдчилан таамаглах боломжтой.

Та хийхийг хүсч байгаа хариу үйлдэлдээ урьдчилан тогтоосон шинжүүртэй байхыг хүснэ. Та тодорхой цонхнуудаар цахим шууданд хариулах, хүнтэй ярилцах ажлын цагаа тохируулах, анхаарлаа төвлөрүүлэх шаардлагатай үедээ хаалгаа хаах зэргээр эргэн тойрондоо байгаа зүйлүүдээ зохион байгуулах боломжтой.

Зөвлөмж 4. Өдрөө эрч хүч, анхаарал төвлөрүүлэхдээ зориулаарай

Бидний олонх маань “түлх, түлх, түлх” аргыг ашиглан, хэрвээ бүтэн 8 цагийг 10 цаг хүртэл ажиллавал илүү ихийг хийлээ гэж бодон өдрийг өнгөрүүлдэг.

Харин ч бүтээмж буурч, стресс нэмэгдэж, та гэр бүлдээ зарцуулах эрч хүч маш бага үлддэг. Өдрийг алхах, ширээнийхээ ард сунгалт хийх, амьсгалын дасгал хийж завсарлага авч өнгөрүүлээрэй.

Эрч хүч төслийн Тони Швартз бид хэрвээ 90 минут үлэмж ихээр төвлөрсөний дараа богино хугацааны сэргээлт хийж байвал бид стрессдэхгүйгээр өөрсдийнхөө хүч чадлыг сэргээх боломжтой байдаг.

Зөвлөмж 5. Зөв хооллож, сайн унтаж амраарай

Буруу хооллох нь таныг стрессдүүлдэг. Та сайн унтаж амрахгүй л юм бол таны хүч чадал сэргэхгүй. АНУ-ын Өвчнийг хянах, урьдчилан сэргийлэх төвийн судалгаагаар 60 сая америкчууд хангалттай нойр авч чаддаггүй болох нь тогтоогдсон байна.

Үсчсэн бодлууд нойрыг тань хулжаах юм уу шөнө сэрээд буцаад унтахгүй байвал энгийн амьсгалах арга таныг нам унтуулна. Ингэхдээ хамрынхаа баруун нүхээ чимхээд зүүн нүхээр нь 3-5 минут амьсгалаарай.