Сүүлийн үед монголчууд нохой тэжээх нь улам л ихсээд буй. Нохой хүний амьдралын баярт мөчүүдийг хуваалцаж, эзэндээ туслах, хань болох, баярлуулах зэрэг яг л гэр бүлийн гишүүн шиг байж чаддаг үнэнч амьтан. Тэгвэл та нохой тэжээх гэж байгаа бол өөрийнхөө зан араншинд тохируулан сонголт хийвэл сайн байдаг гэж эрдэмтэд нотолжээ.

Хонь-Корги

Хонины ордныхон үргэлж хөнгөн шингэн, оргилуун өөдрөг байдаг шиг Корги ч бас тийм зантай нохой ажээ. Байнга л инээж байгаа юм шиг царай гаргадаг бас өхөөрдөм. Тэрээр хамгийн сайн хоньч нохдын тоонд багтдаг гэнэ.

Үхэр-Бассет Хоунд

Хамгийн үнэрч нохой. Тэд тайван байдлыг эрмэлздэг бас хөгжмийн хэмнэлд дуртай яг л үхрийнхэн шиг. Мөн байгалийн зөн билиг нь сайн хөгжсөн нойхой учраас үхрийн ордныхонд сайн хань болж чаддаг гэнэ.

Ихэр-Жак Руссель Терьер

30-35 см урттай жижигхэн биетэй боловч тэдэн шиг зоригтой, ухаатай, нөхөрсөг бас хөдөлгөөнтэй ноход цөөн байдаг. Тэд маш амархан уйтгарладаг бас шинэ зүйл сурах дуртай байдаг яг л ихрүүд шиг.

Мэлхий-Далматин

Далматин мэлхийн ордны эзэд шигээ маш сахилгагүй, эмзэг, мэдрэмтгийн дээр туйлын үнэнч нохой. Бас тэд хамгийн цэвэрч нохой.

Арслан-Голден Ретривер

Тэдний шаргал өнгө нь л гэхэд туйлын тансаг харагддаг учраас ноёдын ноход гэсээр иржээ. Эзэндээ ээлтэй тэр дундаа хүүхдэд хамгийн сайн ханддаг анхаарлын төвд байх дуртай. Арслангийн ордныхонд яг л тохирох тус нохой нь эзнээ хамгаалах чадвар нь илүү сайн байдаг гэнэ.

Охин-Висла

Унгараас гаралтай энэхүү нохой нь охины ордныхы зан чанарыг өвчөөд дуурайчихсан гэхэд бараг хэлсдэхгүй. Эзэндээ хамаг чадлаараа туслахыг эрмэлздэг. Эрүүл хэв маягаар амьдрахыг эрмэлздэг охины ордныхонд яг тохирох нохой.

Жинлүүр-Пүүдл

Тэднийг хайрлан, халамжилж гоёж гоодохгүй л бол дороо өнгө зүс алдах болно. Жинлүүрийнхэнд ийм шинж чанар байдаг учраас хэрвээ тэд ийм нохойтой болвол нохойныхоо өнгө зүсийг хэзээ ч алдуулахгүй. Тэр бол хэрэглээ өндөртэй нохой.

Хилэнц-Добрмен

Добрмен эзнээсээ өөр хүнд бараг л итгэдэггүй нохой. Удаан хугацааны дараа өөр хүнд дасдаг. Тиймээс тэднийг тэжээхээр шийдсэн л бол өөр хүнд битгий дамжуулан өгөөрэй. Хилэнцийн ордынхон ч гэсэн хэн нэгэнд итгэхдээ хашир ханддаг, бас өөр нэгнийг хайрлахдаа уддаг байна. Үүний ижлээр тэд хайрласан бол бүхнээ зориулж өмнөөс нь үхэж ч чадах тийм хүчирхэг ноход байна.

Нум-Овчарка

Нумын ордныхны шинж чанарыг өөртөө агуулсан нохой гэгддэг бөгөөд хамгийн ухаалаг нохой гэдгээрээ дэлхий дахинд танигдсан. Аливаа шинэлэг зүйлд дасан зохицох, хүлээж авахдаа гайхалтай сайн. Тэрээр сайн нийгэмшдэг.

Матар-Хаски

Матрын ордныхон ямар ч зүйлийн оргилд нь байхыг хүсдэг. Хаскид ч бас тийм шинж чанар ихээхэн ажиглагддаг. Ер нь эзэндээ ээлтэй, дуулгавартай нохой. Гэхдээ маш сахилгагүй. Та хаскитай байхад уйдах ч зав олдохгүй.

Хумх-Бигл

Хамгийн их итгэл даах, ухаантай нохой болох бигл нь хумхын ордныхонд яг тохирно. Нэгэн хачирхалтай зүйл хэлэхэд тэдний биеийн хээ, толбо хэзээ давтагдашгүй цор ганц байдаг гэнэ.

Загас-Коли

Хамгийн сэтгэл татам , дэгжин нохойны тоонд зүй ёсоор тооцогддог. Маш зөөлөн араншинтай басхүү мэдрэмтгий нохой. Загаснуудтай адил ганцхан хараад л хүний сэтгэл санааг нэвт шувт ойлгодог.