Хэн нэгнийг таньж мэднэ гэдэг нь хэцүү. Нөгөөтэйгүүр, цаг хугацаа шаардсан ажил ч байдаг. Анхны сэтгэгдэл гэдэг цаашдын харилцааны уур амьсгал ямар байхыг заадаг, хэмжигч гэж болно. Та дөнгөж танилцсан, танилцахыг хүсч буй хүнээ ямар зан ааштай вэ гэдгийг мэдэхийг хүсч байгаа бол нэрнийх нь эхний үсгээр тандаарай.

• А, Б: Тэр романтик хүн биш. Сээтгэнэх чадваргүй, гэхдээ хүссэнээ авч чаддаг нэгэн аж. Хэн нэгнийг гуйх, элдэв сорилт, аз турших дуртай ч энэ чанараа гаднаа ил гаргадаггүй. Өөрийн бодол санааг бүхнээс дээгүүр тавьдаг, өөртөө сэтгэл хангалуун нэгэн юм.
• В, Г, Д: Дур сонирхол, мэдрэмжээ бүх юм өөрийнх нь тал руу эргэтэл хянаж чаддаг тэвчээртэй нэгэн. Хайрлуулж, хайрлаж, дурлалын бэлэг авах дуртай. Зориг гарган сэтгэлээ илэрхийлчихвэл илүү нээлттэй байж чадна.
• Е, Ё, Ж: Аливаа зүйл өөрийнх нь санаснаар болохгүй бол шууд хаячихдаг зантай. Мөнгө хангалттай байсан ч зүгээр суухыг хүсдэггүй. Өөрийгөө хамгийн шилдэг нь гэж харуулахыг хичээдэг. Маш нээлттэй, их хөдөлгөөнтэй, романтик хүн аж.
• З, И, K: Их голомтгой, төгс зүйл байгүй гэдгийг мэдсээр байж түүнийг л хайсаар байдаг. Өөрөөсөө илүү эсвэл өөрийнхөө зиндааны хүнд л татагддаг. Хамгийн мэдрэмтгий. Үүрэг хариуцлагыг чухалд үздэг. Хааяа хүмүүстэй чин сэтгэлээсээ хандана гэдэг түүний хувьд хэцүү зүйл болж хувирдаг.
• Л, М, Н:Зорилгоосоо тийм ч амархан няцдаггүй. Өөрийн болгох гэсэнээ өөрийн болгож байж тайвширдаг. Шударга, наргианч, тачаангуй байж чаддаг. Ер бусын өвөрмөц зүйлд татагддаг. Хардалт гэдэг түүний хувьд асуудал. Хардахаараа биеэ барих чадвараа гээчихдэг.
• О, Ө: Өөртөө итгүүлэх чадвар нь дээд цэгтээ хөгжсөн, нийтэч нэгэн. Эвгүй байдалд орсон ч өөрийгөө эвтэйхэн аваад гарчих чадвартай. Туйлшрамтгай, зоригтой, төрөлхийн романтик хүн. Мөн уужим сэтгэлтэй, өршөөнгүй байж чаддаг.
• П, Р, С: Энерги ихтэй. Зөв гэж үзсэн зүйлийнх нь эсрэг зогссон хэн бүхнийг замаасаа зайлуулчихдаг. Харамсалтай нь зөв гэж үзсэн зүйл нь ихэнхдээ зөв байдаггүй. Гайхамшигт хайрын түүх хүлээж байдаг ч сэтгэл зүрхээ чөлөөтэй байлгаж чаддаггүй. Хялбархан аргаар хэнтэй ч хамаагүй удаан хугацааны харилцаатай байх гайхалтай чадвартай.
• Т, У, Ү: Романтик үзэл бодолтой ч хайр дурлал бол зовлон гэсэн үзлээс ангижирахыг хүсдэггүй. Зовлонд унасан, азгүй гэмээр хүмүүст татагддаг. Өөрийгөө тэнгэрийн элч гэж боддог, найз нөхөддөө туслахад хэзээд бэлхэн.
• Ф, Х, Ц: Хайрын ид шидэнд итгэдэг учир романтикт тооцогдох нь бий. Түүний хувьд амраг чухал байр суурьтай. Хайраа илчилж, илэрхийлэхдээ хэнээс ч санаа зовдоггүй. Боломжийг алддаггүй. Амраг нь өөрөөс нь ямар нэг талаараа дутуу санагдвал, харилцаандаа хагарал үүсгэхэд ч бэлэн. Шинэ амраг, шинэ амьдрал сонирхлыг нь татаж, хайрлуулж, магтаал сонсох дуртай нэгэн.
• Ч, Ш, Э: Маш онцгой яриа өрнүүлж чаддаг. Үүгээрээ чухал хүмүүсийг өөртөө татах чадвараа ил гаргадаг. Хүссэнээрээ байж, сайхан харагдаж, бусдаар өөрийгөө хүлээн зөвшөөрүүлэхийг хүсдэг. Онцгой гэж үзсэн хүнээсээ хамтдаа байж, халуун дотно байхыг шаарддаг.
• Ю, Я: Бусад хүмүүсийн бодол түүнд маш чухал. Бусдад таалагдах дуртай. Цагийг тайван орчинд энхрий байдлаар өнгөрөөх дуртай. Өөрийнхөө юу хийж байгааг мэддэг хүн таалагддаг. Бүтээсэн зүйл нь удалгүй нуран унах нь элбэг учир шантрах нь ч их. Гэхдээ зарим үед эрч хүчээр дүүрэн байдаг.