“Гэгээн үйлстэн-2015” Гэгээн үйлстэн байгууллага- Монос Групп

1990 онд анхны эм, гоо сайхны жижиг үйлдвэр “Монос” нэртэйгээр байгуулагдан үйл ажиллагаагаа эхэлжээ. 2003 оноос “Монос Фарм” ХХК, “Монос Фарм Трейд” ХХК,”Монос Улаанбаатар” ХХК, “Монос Косметик” ХХК нэгдэж “Монос” Групп байгуулагдав.

Эдүгээ 25 дахь жилдээ Монгол улсын нийт хүн амыг дэлхийн нэр хүнд бүхий улс орны эмийн пүүсүүдийн эм төдийгүй өөрийн үйлдвэрийн чанарын баталгаатай, найдвартай, хэрэгцээ шаардлагад нийцсэн эм, эмнэлгийн хэрэгсэл, гоо сайхан, эрүүлмэндийн болон хүнсний бүтээгдэхүүн үйлчилгээгээр ханган ажиллаж байна. Эрүүл мэндийн салбарын тэргүүлэгч, Монгол улсын ТОП 100 аж ахуйн нэгжийн нэг юм. Тус компани нь өнөөдөр 1200 гаруй ажилтан ажиллагсадтай, 13 охин компанитай, салбартаа тэргүүлэгч томоохон компани болжээ.

Монос Групп ойн баяртаа зориулж,  нийгмийн хариуцлагын 25 ажил зохион байгуулахаар болсон аж.

Үүнд:

1. Үндэсний Төв номын санд хадгалагдаж буй ховор ном, судрыг хадгалахад хэрэгтэй  баринтагийг 
   урлан өгөх энэ ажлыг зөвхөн өөрсдөө хийж
   Үндэсний төв номын санд хүлээлгэн өгөөд зогсохгүй бусад аж ахуйн нэгж, хувь хүн, төрийн бус байгууллагуудад албан ёсоор уриалсан.
2. “Монос” группийн харьяа “Монос Хүнс”, “Монос Косметик” компаниуд хамтран “Халуун Илч” сайн үйлсийн аяныг  зохион байгуулж. Төрөлх хотынхоо өнгө үзэмжийг цэвэр цэмцгэр байлгаж, нийслэлчүүдийн амар амгалан тайван амьдрах нөхцлийг бүрдүүлэхийн төлөө  хахир хатуу хүйтнийг ажрахгүй  зүтгэж яваа ТҮК болон Замын цагдаагийн газрын албан хаагчдыг зорин, үүрийн 03:00 цагаас өглөөний 09:00 цаг хүртэл  өөрсдийн бүтээгдэхүүн болох  “Хаан жимс” чацарганы халуун шүүсээр дайлан , гарын бэлгээ гардуулсан.
3. “Эрүүл энх амьдралын төлөө.." уриан дор хийгдсэн ээжүүд бүсгүйчүүдээ баярлуулах аян. Тус аянд Монос группын охин компаниуд гар бие оролцон “Нивеа”, “Албени” брендүүд ивээн тэтгэгчээр ажиллаж 2015.3.8-ны өдөр эх хүүхдийн эрүүл мэндийн төвийн  эмч мэргэжилтнүүд, шинээр төрсөн болон гадуур салхилж буй ээжүүд, бүсгүйчүүдийг багтаасан нийт 308ЭЛБЭРЭЛТ ээжид гарын бэлэг гардуулж баяр дээр нь баяр нэмсэн нь яах аргагүй сэтгэлд гэрэл гийсэн сайхан үйл ажиллагаануудын нэг болж өндөрлөлөө. 

 Байгууллагын амжилтууд:

• Оны шилдэг компани - 2004 он
•  Бизнесийн эрхэмсэг орихуйн шагнал ТОП - 100 2004, 2005, 2007, 2008, 2009 он
•  BUSINESS EXCELLENCE AWARD - МҮХАҮ-ийн Танхимын шагнал 2005 он
•  Шинэ бүтээл Ашигтай загвар - 2005 он
•  ГРАН-ПРИ Шилдэг аж ахуйн нэгж - 2005 он
•  WIPO AWARD CERTIFICATE - 2005 он
•  Ногоон зураасан код - 2005 он
•  Монгол улсын Топ - 100 аж ахуйн нэгж 2006 он
•  Шилдэг менежменттэй байгууллага - 2006 он
•  Импортыг орлох бүтээгдэхүүн Салимон дархлаа сайжруулах бэлдмэл - 2006 он
•  INNOVATION - 2007 он
•  MONGOLIAN NATIONAL CHAMBER OF COMMERCE & INDUSTRY - 2007 он
•  GRAND EXPO Эрүүл мэндийн салбарын шилдгийн шилдэг ГРАН ПРИ - 2008 он