Өөрийгөө өөрчил- Амжилтанд хүрье

2019 оны 9-р сарын 22. 03:27

Өөрийгөө өөрчлөх юмсан гэж өдөр бүр л ярьдаг ч түүнийгээ биелүүлж чадахгүй л байна уу? Ганцаардал, ар гэрийн асуудал, ажлын стресс, хувийн эмх цэгцгүй байдлаас болоод бухимдаад стрессдээд байгаа юм биш биз. Амьдралын хэв маягаа эргэж нэг хар. Дэмий хоосон мөрөөдөлд бүү авт. Хайран цаг чинь үр бүтээлгүй өнгөрснөөр та бухимдах эх үүсвэрээ тавьж байгааг ойлгоорой. Өөрт байгаа сул талуудаа олон ярих тусам нөлөөнд нь амархан ордог. Өглөө эрт бос.

Шийдэмгий бай.

“Магадгүй” гэж бүү хэл. “Тийм” эсвэл “Үгүй” гэж хэлж сураарай. Оюун ухаанаа дайчлан шийдвэр гарган, мөрдөж бай. Зав гарсангүй гэж бусдад битгий хэл. Зөвхөн цагийг үр дүнтэй өнгөрөөж чадахгүй байгаад л байгаа юм шүү.

“Би хэзээ ч чадахгүй”

“Оролдоод үзье, чадна” гэж түрүүлж бодох хэрэгтэй. Төлөвлөсөн ажлаа хойш тавих хэрэггүй. Цаг тухайд нь шийдээгүй асуудал стресст оруулдаг. Найз бүсгүйндээ очин, нөгөө найзаа муулахын оронд өөрийнхөө асуудалд сайн анхаар.

Өөрийнхөө эерэг чанаруудын тухай бодож бай.

Цаасан дээр бичээд өөртөө хааяа уншиж өг. Тэмдэглэлийн дэвтэр аль болох хөтлөх нь зүгээр. Хайр сэтгэлийн адал явдлыг түрүүлж бичих хэрэггүй. Өнөөдөр, маргааш цаашлаад долоо хоногийн хийх ёстой зүйлээ дэс дараатай бичээд, ханадаа өлгөчих. Мартахгүй байх талтай.

Ухаан, чадал сорих хариуцлагатай зүйлийг өөр дээрээ туршаад үз.

Хэцүү ажил мэт санагдавч авьяасыг тань хүмүүс үнэлж эхэлнэ. Эхлээд ажлын жижиг хэсгээс барьж ав. Дараа нь аажмаар том хэсэг рүү шилжвэл эвтэйхэн.

Мөрөөдөж бай.

Өөрийгөө хэрхэн өөрчлөхөөр хүсэж буйгаа зураглан төсөөл. Ямар ч ажлыг амжуулна гэж бодвол сэтгэл хангалуун, өөдрөг болно. Амрах цаг гарахгүй нь гэж бүү айгаарай. Цаг хугацааг үр дүнтэй ашигласнаар амрах зугаалах, өөртөө анхаарал тавих цаг хангалттай гарна гэдэгт итгэ.

Өөртөө зорилго тавь.

Хоосон мөрөөдөл бус бодит зүйл болгохын төлөө ажилла. Зорилгодоо хүрэхийн тулд шаардлагатай ямар алхмуудыг хийх ёстойгоо жагсааж бичээд даруй эхлээрэй.

Хүссэнийхээ хэрээр өөртөө итгэлтэй болсон юм шиг амьдар.

Сайхан хувцаславал итгэл төрүүлж, өөдрөг болгоно. Бусдын нүд рүү дальдралгүй эгцэлж хараад ярь . Ярьж буй зүйлээ ойлгомжтой цэгцтэй өгүүлж байгаарай.

Манай сайт Танд таалагдаж байна уу. LIKE дараарай, баярлалаа

Сэтгэгдэл бичих

Анхааруулга

Уншигчдын бичсэн сэтгэгдэлд azjargal.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.