Чимэддорж овогтой Батсайхан нь оюутны жилүүдээс эхлэн дээд боловсрол эзэмшхийн зэрэгцээ 1994 оноо Монголын шилдэг аж ахуйн нэгжүүдэд тасралтгүй 24 жил ажиллаж, тухайн салбартаа ямагт тэргүүлж ирсэн төдийгүй эрүүл мэндийн салбарын хөгжилд том хувь  нэмэр оруулж нийгэмд хандсан олон төсөл, ажлуудыг санаачлан зохион байгуулж ирсэн байна.

2010 онд Хавдар Судлалын Үндэсний төвд Даван туулагчдын танхимыг засварлаж бүрэн тохижуулан хүлээлгэн өгч, сэтгэл заслын эмчийн орон тоог анх бий болгож 2013 он хүртэл цалижуулж ажиллуулснаар эмчлүүлэгчдэд сэтгэл санааны дэмжлэг туслалцааа байнга үзүүлдэг чухал кабинет бий болсон байна.Энэхүү кабинетийн засвар болон тохижилтын нийт төсөв 28 сая төгрөг болсон юм.

 2011-2012 онд эмчүүлэгч, даван туулагчдад зориулсан гар урлалын хичээл эхлүүлж багаж хэрэгсэл, материалаар тогтмол хангаж, бүтээлүүдээр нь үзэсгэлэн худалдаа удаа дараа зохион байгуулж өгч байжээ.Сэтгэл заслын эмчилгээнд шаардлагатай байсан хөгжим апператур эерэг сэдэвтэй номын булан, тасалгааны цэцэг тарих бүх хэрэгсэл материалыг бэлэглэж эх үүсвэртэй болохолд тун чухал алхам болсон юм.

  2010,1011 ,2012 онуудад Даван туулагчид болон эмч нарт зориулсан “Талархалын баяр”-ыг бүрэн санхүүжүүлж зохион байгуулж өгсөн.Энэхүү баяр нь эмчүүлэгч, эмч нар бүтэн нэг өдрийг цэвэр агаарт өнгөрүүлж, өвчин шаналаа мартаж эрүүл хооллолт, дасгал хөдөлгөөний талаар энгийн яриа өрнүүлж мэдээлэл авдаг баяр болсон юм. Тус баярын нэг удаагийн зардал нь 20-23 сая төгрөг гардаг байсан хэдий ч үр дүн өндөртэй хүсэн хүлээдэг баяр болжээ.

  2010онд “Хавдарын эсрэг хамтдаа” уриатай бүх нийтийн Марафон гүйлтийг Хавдар Судлалын Үндэсний төвийн нийт хамт олонтой хамтран зохион байгуулсан.Уг гүйлтэнд нийт 3500 орчим хүн Сүхбаатарын талбайгаас Зайсан толгой хүртэл гүйж бүх тамирчдад гарын бэлэг гардуулж урамшуулсан нь онцлог байсан байна.

Урлаг соёлын алдатанг Хавдрын эсрэг хамтдаа хөдөлгөөнд нэгтгэж” Хөхний хорт хаврыг эрт илрүүлэх аргачлал” төслийг хэрэгжүүлж үүднээс нийслэлийн ЕБС-н ахлах ангийн охидуудад лекц хэлбэрээр сургалт орж гарын авлаг боловсруулж, хэвлүүлэх, тараах ажлыг гүйцэтгэсэн нь залуу охидбүсгүйчүүдийн эрүүл мэндийн боловсролд үнэтэй хувь нэмэр оруулсан арга хэмжээ болсон юм. Мөн дуучин Наран, Свит моушн, Киви хамтлагийн тоглолтонд хүрэлцэн ирсэн бүх эмэгтэйчүүдэд гарын авлага тарааж байжээ.

2010-2013 онд Хавдар Судлалын Үндэсний төвийн хүлээн авахын гадна талбайд цэцгийн мандал тарьж хүүхдийн тоглоомын талбай байгуулж , амралтын цэг үүсгэж бүрэн тохижуулах ажлыг хамтран зохион байгуулсны ачаар хэвтэн эмчлүүлэгсэд болон ар гэрийхэн, хүүхэд багачуудад тоглох, салхилж амрах боломжтой сайхан булан үүсгэж өгсөн юм.

2010 онд Хавдар Судлалын үндэсний төвийн 2 давхарт байрлах хүүхдийн тоглоомын төвд зориулж 2 ш иж бүрэн компьютер бэлэглэсэн.

2011-2016 онд эмчлүүлэгч бүсгүйчүүд, эмэгтэйчүүдэд гоо сайхны сургалт явуулж, гоо сайхны хэрэглэл, хиймэл үс бэлэглэж байв. Мөн хэвтэн эмчлүүлэгчдэд зориулан улирал бүр 300 мянган төгрөгийн үнэ бүхий сайн чанарын цайг хандивладаг болно.

2017 онд эмчлүүлэгчдэд зориулсан ART THERAPY эмчилгээний туршилтын төсөлд санхүүжилтийг хийсэн нь зөвхөн сэтгэлл зүйч эмчийн эмчилгээ төдийгүй өвөрмөц содон уран бүтээлч, гар урлал бүтээгч, номын зохиолч нар уригдан ирж чөлөөт яриа өрнүүлэх боломжийг бүрдүүлж өгсөн нь давуу талтай болсон юм.

2012 онд Хавдрыг эрт үед нь оношилж илрүүлэх анхны төслийг хамтран боловсруулж говийн аймгуудаар эмч нарын баг явж ажиллах бүх зардлыг санхүүжүүлсэн юм. Энэхүү төслийн албан ёсоор Хаан банкны нийгмийн хариуцлагын хороонд хүлээлгэн өгснөөр өнөөг хүртэл тасралтгүй санхүүжигдэн идэвхитэй үргэлжилж байгаа томоохон төсөл болжээ.

2007-2009 онуудад Эх хүүхдийн эрүүл мэндийн үндэсний төвийн “Эх барих эмэгтэйчүүдийн клиник”-ийн хүлээн авах хэсгийн тохижилтыг иж бүрэн, Нийслэлийн өргөө амаржих газар, Нийслэлийн Хүрээ Амаржих газруудын эрчимт эмчилгээний тасгийн тохижилт болон хүлээн авах өрөө , эмч нарын кабинетуудын тохижилтыг 2005-2011 онуудад хийж гүйцэтгэсэн бөгөөд тус эмнэлгүүдэд хүүхдийн шарлагын аппарат, дутуу нярайд зориулсан инкубатор болон бусад нэн шаардлагатай багаж хэрэгсэл бэлэглэж байсан байна.

2010 онд Эрүүл мэндийн яамны мэрэгжилтэн Г. Соёлгэрэлтэй хамтран Эх хүүхдийн эрүүо мэнд –г шинэчлэх төслийн ажилд хамтран оролцож эх бэлтгэлийг хийж гүйцэтгэн, стандартын лагуу хэвлэж эхний 1000 ширхэгийг бэлэглэж байжээ. Шинээр мэндэосэн хүүхэд болгонд нярайн 

Дулаан алдалтаас сэргийлэх малгай /Мами Поко логотой/ болон нярайн живх балэглэх уламжлал тогтоож хэвшүүлжээ.

2011 онд Нийслэлийн Хүрээ, Өргөө газрууд, Эх барих эмэгтэйчүүдийн клиникийн тасар, палат бүрийн хаягжилтын ажлыг санхүүжүүлж гүйцэтгэсэн.

Ч.Батсайхан нь олон улсын залуу бизнес  эрхлэгчдын “JCI Монгол” байгууллагын гишүүн бөгөөд 2015 онд Амьдрал бэлэглэе төслийг санаачилж ЦССҮТөвтэй хамтран ажиллах санамж бичиг гарын үсэг зураж  “JCI Монгол” байгууллагын залуусын хүрээнд энэхүү төслийг амжилттай хэрэгжүүлхэд чухал үүрэг гүйцэтгэсэн.Мөн 2016, 2017 оны шилдэг цусны доноруудыг алдаршуулж, хэрэгцээт зүйлээс бүрдсэн бэлэг бэлэглэж урамшуулсан байна.

Ч.Батсайханы ажил хөдөлмөрийг хамт олон өндрөөр үнэлж “Монголын залуучуулын холбооны Тэргүүний залуу-Алтан медаль”” “ Нийслэлийн шилдэг залуу”, “ Монгол Улсын Үйлдвэр  Худалдааны Яамнаас Худалдаа, үйлдвэрийн тэргүүний ажилтан”, олон жил дараалан ажлын байрны хэмжээг 50%-с дээш өсгөсөн тул “Ажил олгогч эздийн холбоо-ны дээд шагнал Алтан тэмдэг”, олон нийтийн санал асуулгаар “Cosmopolitan”сэтгүүлээс “Шилдэг Бизнес  эмэгтэй”, “Монголын Үндэсний  Худалдаа Аж үйлдвэрийн тэнхимээс Хүндэт жуух бичиг”, “ Хүндэт өргөмжлөл” болон байгууллагын ши лдэг ажилтнаар олон удаа шалгарч байсан байна.Мөн өөрийн удирдаж буй компани нь 2016 онд ХУДүүргийн “ Шилдэг Татвар төлөгч” байгууллагаар тус тус шалгарч байжээ.

Ч.Батсайхан нь ажил мэргэжилдээ өсөж яваа ажил  хэрэгч эмэгтэй төдийгүй, нийгмийн хариуцлагаа бүрэн ухамсарлан эрүүл мэндийн салбарт тасралтгүй тусламж дэмжэлэг үзүүлсээр ирсэн боловч өөрийгөө сурталчилж байгуугүй сайхайн сэтгэлтэй, хөдөлмөрч идэвхитэй иргэн тул түүний санаачлан хэрэгжүүлсэн үйл хэргийг үндэслэн Эрүүлийг Хамгаалах Тэргүүний Ажилтан шагнуулахаар тодорхойлж байна.