Огт авъяас шаарддаггүй 10 чанар

1. Цаг баримтлах

2. Ажлын ёс  зүй

3. Оролдлого

4. Эрч хүч

5. Эерэг хандлага

6. Санаачлага

7. Сурах эрмэлзлэл

8. Илүү ихийг хийх хүсэл

9. Бэлтгэлтэй байх

10. Биеэ зөв авч явах

Та ажил төрлөө явуулахад, бусадтай харилцаанд оршиход эдгээр зүйлс заавал хэрэг болдог. Ер нь хүн гэж амьтан нийгмээрээ оршин тогтнож, нийгмийн дунд амьдардаг. Тэгвэл та эдгээр зүйлсийг л сайн хийдэг байхад ХАМГИЙН САЙН НИЙГМИЙН АМЬТАН байж чадна.
Авьяас бол 1%, хичээл зүтгэл 99% байж хүн амжилтанд хүрдэг гэдэг. Үүнийг амжилтанд хүрсэн олон хүн хэлсэн байдаг.
Тэгвэл Дээрх зүйлийг та ОГТ АВЬЯАСГҮЙ байсан ч хийж чадна. 
Энд ердөө л таны бяцхан хичээл зүтгэл хэрэгтэй.
Бусадтай уулзах бол ЦАГАА БАРИХ хэрэгтэй. Тэр хүний таньд зориулж байгаа цагийг та хүндлэх ёстой. Бусдыг хүндэлж байж өөрт хүндлэл ирдэг гэдэг шүү дээ. АЖЛЫН ЁС ЗҮЙ, энэ бол та аливаа юмыг дүрэм, горимын дагуу хийхэд л болох юм.  
ОРОЛДЛОГО, энэ бол амжилтанд хүрэх хамгийн том түлхүүр. Хичээх тусам үр дүн гардаг. Чадахгүй гэж хойш тавилгүй, чадна гэж зүтгэвэл хүн ямар нэг хэмжээгээр урагш ахидаг. Өмнө байсан байрнаасаа хөдлөдөг. 
ЭРЧ ХҮЧ: Та нурмайгаад байвал таны ажил урагшлахгүй, бүтэхгүй. Та бүтээнэ гэж явбал, түүндээ эрч хүчтэй байж гэмээн бүтэх магадлал нь ихэснэ. Та өөрөө цэнгэл эдлэнэ.
ЭЕРЭГ ХАНДЛАГА: Бусдад сайхан сэтгэл төрүүлж, аливаа зүйлийг үгүйсгэхээс илүүтэй, өөдрөг, болох бүтэх талаас нь харах нь ажлыг бүтээхэд дөхөм болгодог. Таны дотоод инээмсэглэл харилцаж буй хүмүүст чинь нөлөөлдөг. Үүнийг мартаж болохгүй.
САНААЧЛАГА: Шинэ зүйл төдийгүй, аливаа өөрийн оролцож байгаа бүх зүйлдээ манлайлж, эрэлхийлж, бужигнуулж ажилладаг байх учиртай. 

СУРАХ ЭРМЭЛЗЛЭЛ: Нэг байрандаа байж, аливааг аргалж өнгөрөөх хүсэлтэй, мэдэхгүй зүйлээ бусадруу түлхэж, өөрөөсөө холдуулдаг хүмүүс ажлын байрандаа үргэлж шахагддаг. Та тэдний нэг байхыг хүсээгүй л бол үргэлж шинийг суралцаж, урагш тэмүүлээрэй. Мэддэг болохыг хичээгээрэй. Шинийг суралцах нь хүнд илүүдэхгүй.
ИЛҮҮ ИХИЙГ ХИЙХ ХҮСЭЛ: Ийм хүсэл эрмэлзлэлтэй хүмүүс ажил олгогчоос харвал хамгийн хэрэгтэй, хүндлүүштэй хүмүүс болдог. Зөвхөн тэр гэлтгүй та хичээл дээрээ ч, их сургуульдаа ч, ажлын талбар дээр ч, өөрийн бизнестээ ч үргэлж ихийг хийж, амжуулахын төлөө байгаарай. Энэ бол нөгөө л амжилтын төлөөх авьяас шаардлагагүй 99%-ын нэлээд хэсэг шүү.
БЭЛТГЭЛТЭЙ БАЙХ: Аливаа ажилд алдаа гарах үе бий. Тэдний дийлэнх нь зүгээр л бэлтгэлгүй, эсвэл муу бэлдсэнээс болж үүсдэг. Сайн бэлтгэл бол амжилтын үндэс. Шалгалт өгсөн ч тэр, хурал зөвлөгөөнд ч тэр, ажлын талбар дээр ч тэр аливаа бүх зүйлд урьдчилан бэлтгэж оролцож байх хэрэгтэй.
БИЕЭ ЗӨВ АВЧ ЯВАХ: Хаана юу хийхээс хамааран хувцаслалт, хэлэх үг, хандлага гээд бүх юмны нэгдэл нь биеэ зөв авч явах эсэхээс хамаараад унах нь бий. Та нэр хүндтэй байсан ч нэг удаа биеэ зөв авч явж чадалгүй гаргасан алдаанаас болж бүх зүйл нурах нь бий.
Тэгэхээр өөрийн байгаа орчиндоо хамгийн тохирох хүн нь байх хэрэгтэй.
Эдгээр зүйлс хүний хувьд амжилт олоход хэрэг болох түлхүүрүүд байх болов уу.
Амжилт бол авьяаснаас шалтгаалахгүй 99%-иас тогтдог. Тэгэхээр та дээрхийг хийгээд байхад л өөрийн хүссэн амжилтаа гаргаад байх боломжтой.
Гол нь нийгмийн амьтан болж бусдыг хүндэлж, бусадтай ойлголцож, нэг сувгаар ярилцаж чаддаг болно.