1. Тахь 

Хэрэв та уг дүрсийг эхэлж харсан бол хөгжилтэй, нөлөөтэй, харизматай хүн гэх үгс бүгд таныг тодорхойлдог аж. Маш идэвхтэй, нээлттэй, хамгийн гэнэн цайлган бөгөөд сэтгэлээрээ зан хандлагатай.Бас хүмүүс таныг дагахад ямагт бэлэн байдаг. Таны бусадтай харилцах чадвар дэндүү сайн хөгжсөн ба ямар нэг зүйл сурталчлах, танилцуулах ажилдаа маш сайн. Бас та нэг зүйлээ дахин дахин хийгээд л байвал маш хурдан уйдах нэгэн. Тиймээс таны амьдралд шинэ зүйлс ямагт хэрэгтэй байдаг. Шинэ танилууд, үйл явдлууд таныг аз жаргалтай болгодог.

2. Муур

Хэрэв та муурыг эхэлж харсан бол тийм ч нээлттэй биш, олон хүнтэй харилцдаггүй, дотогшоогоо хүн байх хандлагатай. Ичимхий ч гэж хэлж болохоор. Учир нь та аливаа зүйлийг холоос ажиглаж, дүгнэх дуртайгаас гадна аливаа нэг асуудлын голд нь орж явах биш хажуу өнцгөөс харж, тайлах дуртай байдаг. Хүмүүс таны тухай юу гэж бодох нь тийм ч чухал биш байдаг бөгөөд хүмүүс ч бас тийм байгаасай гэж хүсдэг. Мөн өөрийн дүрмийг зохиохоос гадна өөртөө хамгийн ихээр итгэдэг. Бие даасан, өөрийгөө бүрэн төлөөлдөг хүн гэж таныг итгэлтэйгээр хэлж болно.

3. Нугас

Та 100 хувь өөдрөг хүн. Юу ч таны эрч хүчийг зогсоож, бууруулж чадахгүй. Таны хувьд аяга тал дүүрэн, тал хоосон биш харин үргэлж халгиж цалгиж байдаг. Та тухайн цаг мөчид амьдардаг. Шинэ бүхнийг туршиж үзэх дуртайгаас гадна, шинэ чадварт суралцах асар их хүсэлтэй. Маш сониуч ч гэж хэлж болох юм.

4. Коала баавгай

Коала баавгайг түрүүлж харсан хүн бол маш тайван, юу ч болж байсан өдөр болгоныг өөрийн хүсэл, мэдрэмжээр л аядуу сайхан өнгөрүүлдэг хүн. Маш сайхан сэтгэлтэй, маш мэдрэг, бусдад халамж тавьдаг, бусдыг болон бүх найз нөхөд, дотнын хүмүүсээ боддог нэгэн. Мөн нэг л удаа утсаар яриад тэдний хэр байгааг мэддэг. Та асар том үдэшлэг, цуглаанд тийм ч дуртай биш. Сайхан кино, гоё номтой тайван өдөр, шөнүүд танд хамгаас их таалагддаг. Та бусдад туслах дуртай бөгөөд хариуд нь юу ч нэхдэггүй.

5. Заан 

Мэдрэмтгий, бүх зүйлийг маш гүн гүнзгийгээр мэдэрч, анхаардаг хүн. Та маш үнэнч, хариуцлагатайгаас гадна найз нөхөд, гэр бүлийнхэн гээд бүх хүмүүс танд итгэж найддаг. Хэрэв тэдэнд тусламж хэрэгтэй бол тэд гарцаагүй тантай л бүх зүйлээ ярилцаж, хуваалцахыг илүүд үзнэ. Бас та аливаа асуудлын учрыг яаж олохоо ямагт мэддэг. Таны хувьд гэр бүл, найз нөхөд гэдэг хамгийн чухал бөгөөд эргэн тойрны хүмүүс тань таатай сайхан байхад танд хангалттай байдаг.

6. Баавгай

Та баавгайг түрүүлж харсан бол логик сэтгэлгээ өндөр хөгжсөн, уламжлалт хэв маягийг хүндэлдэг, өв уламжлалаа хүндэтгэдэг бас маш их өндөр хүлээлттэй нэгэн. Та өөрийн гэсэн үзэл бодолтойгоос гадна чанга дуу чимээ бүхий газарт дургүй, үргэлж амар амгаланг хайж байдаг. Их мэдрэмтгий, бодлоготой, дипломат маягийн хүн. Та дүрэм журам, эмх цэгц гэх зүйлсэд итгэдэг ба эмх замбараагүй байдалд дургүй. Хичээнгүй, итгэл даахуйц, зорилготой нэгэн. Аливаа зүйл товлогдсон хугацаандаа л дуусах ёстойг та маш сайн мэддэг.

7. Анааш

Та бол төрөлхийн удирдагч бас бүх хүний анхаарал, хайрыг татсан нэгэн. Та маш уян хатан, ямар ч нөхцөл байдалд бүх зүйлийн гол төв болж, бусдаар хүрээлүүлж чаддаг. Та маш сайн ярилцаж чаддаг ба хэний ч хувьд сайхан яриа өрнүүлэх хүн болж чаддаг. Юу ч таныг гуниглуулж чадахгүй мэт боловч үнэндээ та маш эмзэг, мэдрэмтгий. Та найзууддаа үнэнч, бас тэднийг ч тийм байгаасай гэж хүсдэг. Та ажил, хобби зэргээ ойр ойрхон солих хандлагатай байдаг.

8. Гахай

Хэрэв гахайн дүрсийг эхэлж харсан бол маш биеэ даасан, ганцаараа байхдаа хамгийн шилдгээрээ ажиллаж чаддаг нэгэн. Маш хурц ухаантайгаас гадна хэтэрхий олон зүйлийн тухай боддог. Та жижигхэн зүйлүүдэд ч анхаарал хандуулдаг, маш сайн ой санамжтай, аливаа зүйлийг задлан шинжлэх чадвартай учир эрэн сурвалжлах салбар танд гайхалтай зохино. Таныг маш идэвхтэй, гадагшаа хүн гэхгүй ч хүмүүстэй сайн зохицож чаддаг.

9. Туулай

 Бүтээлч, эрч хүчээр дүүрэн, цаанаасаа л баяр баясалтай хүн. Хаа ч явсан үргэлж инээд хөөр, аз жаргалыг бусдад авчирч байдаг. Хүмүүс тантай найз нөхөд болох хүсэлтэй. Хошин мэдрэмж өндөртэйгөөс гадна ямагт хүмүүсийн анхааралд байдаг. Таныг хүмүүс заримдаа хэтэрхий аз жаргалтай, хайнга гэж боддог ч та тийм биш. Гүн бодолд автдаг, өрөвч, хүмүүсийн инээж, баяр хөөртэй байгааг харах дуртай. Гэхдээ танд ч бас амралт хэрэгтэй үеүд байдаг.

10. Арслан

Та арсланг түрүүлж харсан бол төрөлхийн удирдагч нэгэн. Хүмүүсийг хэрхэн ятгахыг, зорилгодоо яаж хүрэхийг та сайн мэддэг. Заримдаа та хэт давамгайлах гээд байх тохиолдол бий. Та ямар ч шалгуураас айдаггүй. Харин ч ямар нэгэн хэцүү даваа таныг өөрийгөө хэн болохыг харуулах боломж болдог. Та өрсөлдөөнч бас төрөлхийн ялагч. Танд стратегийн маш сайн төлөвлөгөө бий болгох чадвар бий.

11. Шар шувуу

Та маш их зүйл боддог, өөрөө өөртэйгөө ажиллахыг илүүд үздэг нэгэн. Чимээ аниргүй тайван цагийг өнгөрүүлэх дуртайгаас гадна олон нийтийн үйл ажиллагаанд тийм ч таатай биш. Та бүх зүйлийг маш сайн зохион байгуулах дуртай. Эмх замбараагүй байдал таныг хэцүү байдалд оруулдаг. Та төгс төгөлдөрт тэмүүлдэг ба заримдаа бусад хүмүүсээс ч тийм зүйлийг хүсэж, хүлээх нь бий. Бид бүгд төгс биш бөгөөд энэ нь биднийг онцгой болгож буй зүйл гэдгийг үргэлж санаж явах нь зүйтэй. Та тийм ч олон хүмүүстэй харьцаад байдаггүй ч хүмүүс тантай ойр байх дуртай. Учир нь та их бодолтой ярьдаг, ухаалаг, хошин мэдрэмжтэй болохоор тэр шүү дээ.