СОНЖОО: Та алин дээр нь түрүүлж очих вэ?

2018 оны 10-р сарын 21. 09:14

Юун түрүүнд доорх сонжоонд буруу, зөв гэсэн хариулт байхгүй гэдгийг сануулах байна. Энэхүү сонжоо нь таны хувийн зан чанарын онцлогийг тодруулах зорилготой.

Зурагт харагдаж буй зүйлээс алинд нь түрүүлж хүрэх вэ гэдгээ шударгаар сонгоорой.

Буцалж буй устай данхыг гал дээрээс авна

Хэрэв та данхныг сонгосон бол та үнэхээр түргэн зантай хүн юм. Аливаа шийдвэрийг аль болох хурдан гаргаж, асуудлыг дуусгахыг эрмэлздэг. Та зорилгоо биелүүлэхээр зүтгэж буй таныг юу ч зогсоож дийлэхгүй. Та юмсаас хурдан уйддаг онцлогтой. Аюулгүй байдалдаа анхаарах гэдэг ойлголт танд байхгүй.

Ингэх ч дургүй. Төлөвлөгөөгүй зүйлсийг хийхээс тухайн нөхцөлд байдалд шууд хариу үзүүлэх нь таны хувьд илүү хялбар байдаг гэсэн үг. Ийм занд эерэг, бас сөрөг зүйл ч агуулагдаж байдаг гэдгийг ойлгож, хааяа өөртөө анхаарч, дараа нь гарах үр дүнг бодож үзэхэд гэмгүй шүү гэж сануулах байна.

Утасны дуудлагад эхэлж хариулна

Та бол маш дипломат зантай нэгэн юм. Бусдын бурууг хүлээн зөвшөөрнө гэдэг танд хэцүү байдаг. Нэгэн зэрэг олон зүйлийг амжуулж чаддаг ажил хэрэгч занг тань үнэлэх нь зүйтэй болов уу. Хүмүүстэй танилцах, харилцах гэдэг таны хувьд маш амархан. Олон танилтай байж анхаарлын төвд байх нь танд таалагддаг. Гэхдээ хэтэрхий дипломат байх нь жинхэнэ найз нөхрөө олоход саад болох нь ч бий.

Уйлж буй хүүхдийг авч саатааруулна

Уйлж буй хүүхдийг саатааруулж, тайвшруулахыг түрүүлж сонгосон бол та маш тайван, ухаалаг, энэрэнгүй нэгэн аж. Хүмүүст туслах дуртай, бусдын ашиг тусын төлө өөрийгөө золиослох бэлэн нэгэн. Гэр амьтай, хайртай дотны хүмүүстээ хамгаас их анхаарч, өөрийгөө ч мартдаг. Хэдий энэрэнгүй, эелдэг нэгэн ч гэлээ ганцаардахаас айдаг. Тиймдээ ч хажууд тань заавал хэн нэгэн байгаасай гэж хүсдэг. Гэр бүлтэйгээ хамтдаа үдшийг нам гүмхэн, дотнохон өнгөрүүлэх дуртай.

Дэр зулгааж буй нохойг болиулах

Хэрэв энэ хариултыг хамгийн түрүүнд сонгож буй бол та маш бухимдангуй нэгэн болж таарч байна. Магадгүй яг одоо таны ажил, амьдралд бухимдмаар, стрессдүүлсэн зүйл тохиолдоод байж ч болох юм. Амьдрал, ажил гээд өөрт хамаатай бүхнийг хяналтаа байлгах нь танд маш чухал. Бүх зүйл таны хүссэнээр болох хүртэл огтхон ч тайвширдаггүй.

Та материаллаг зүйлс, нийгэмд эзлэх байр сууриндаа ихэд анхаардаг. Бүх асуултын хариултыг мэддэг төдийгүй ямар ч нөхцөлд юу хийх, юу гэж хэлэхээ мэднэ. Хэзээ ч, хэн ч бүхнийг хяналтдаа байлгаж чаддаггүй гэдгийг танд онцгойлон сануулмаар байна. Тиймээс заримдаа амаа хамхиж, нүдээ аниад, чихээ таглаад өнгөрч сурах хэрэгтэй. Ингэж чадвал амьдрал тань илүү тайван, бухимдал багатай болно.

Манай сайт Танд таалагдаж байна уу. LIKE дараарай, баярлалаа

Сэтгэгдэл бичих

Анхааруулга

Уншигчдын бичсэн сэтгэгдэлд azjargal.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.